Friday, January 10, 2014

එදවස...


ගලා එයි කළුවර
මැකී යයි හිරු සයුරු දිය මත..
බොඳව යයි දසුනද
හිස්ව යයි මී බඳුන් එකිනෙක...

වදන් රැල් මතුවී
සිතෙහි කුසුමන් පිබිදී
සිනා කැන් ඉතිරී
කලා පැතුමන් නුඹත් එක්වී...

පැතු ඒ පැතුමන්
සැබෑ කරනට මතු සදාකල්
වෙහෙසුනත් මා සැමකල්
නොසිටියා නුඹ මගේ ලඟ නම්

~නෙතුපුල්~

Friday, January 3, 2014

අතීතාවර්ජනය...


සලමින් සෝ සුසුම්
දරමින් මහද තනිකම්
හෙලමින් කඳුළු උණුහුම්
මග බලා සිටියා... එනකම්...

නොදුටු ඒ කඳුළැලි
නොඇසුනා කිසිදාක...ඒ ඉකි
නොබැලුවා ඔහු නිති 
මුලා වූ කල ඇගේ දිවියෙහි...

හෙලු කල කඳුළැල්
නොමැති වූ කල හසරැල් 
නොලද ඒ පෙම් මල්
බලා හිඳිනේ කිමද...තව කල්?

~නෙතුපුල්~

Wednesday, January 1, 2014

සුභ නව වසරක් වේවා!


පතනා සියලු පැතුමන් ඔබෙ ඉටු වේවා
සිතනා සියලු දේ එම ලෙස සිදු වේවා 
කරනා සියලු දේ හට ජය අත් වේවා
ලබනා නව වසර සුබ වසරක් වේවා...

~නෙතුපුල්~