Saturday, November 26, 2016

මගේ නොවන මගේ ආදරය...

නිකැලැල් සිනාවෙන් පිරි නුඹෙ මුව මඩල
පිබිදී යාවි දුටු කල මා සැම දිනම
විහිදා දෑත පටලා මා ගෙල වටම
සිඹිනා කලට නොදැනේ කිසි දුක් මෙමට

කිසිදා නොවිඳි මවු පදවිය අහිමි කල
නුඹ රන් රුවන් පරදයි හිමි නැතත් මට
නුඹ වන් පුතෙක් ලබනට පින් නැතත් හෙට
නුඹෙ ආදරය එලියයි තනි දිවි මගට...

~නෙතුපුල්~

Wednesday, November 23, 2016

සඳ

පුර පොහෝ දින
දිදුලනා සඳ
පෙන්නුවත්
නුඹ නොදුටු ඒ සඳ
අමාවක දින
රිදවමින් නෙත
සොයා වෙහෙසී
හඬනු කුමටද...

~නෙතුපුල්~

Saturday, November 5, 2016

පණ්ඩිත් අමරදේවයන් වෙනුවෙන්...

සඳ තරුත් නිහඬ කර
සිතුවිලිත් සසල කර
දී කඳුලු නෙත් අගට
නික්මුනා ඔබ දුරට...

කෙසේ නම් ඉවසමිද
අඩ අඳුර පිරි ලොවම
වසා ඇත අද
ඝණඳුර...

~නෙතුපුල්~