Tuesday, April 14, 2015

සුභ අළුත් අවුරුද්දක් වේවා!


ඝණඳුර නිවා හිරු කිරණක් මතු වේවා
සැනසුම විනා දුක් කිසිදා නොම වේවා...
සිතනා පැතුම් එම ලෙසකින් ඉටු වේවා
ලබනා අවුරුද්ද කිරියෙන් ඉතිරේවා...

~නෙතුපුල්~

රහස...



කිසිඳු දින කිසිවෙකුට නොදැනෙන
කිසිම විට කිසිවෙකුත් නොසිතන
අපේ රහසේ සොඳුරු සිතුවම
ඇඳී ඇත තරු සපිරි නෙත් තුල...

කිසි කෙනෙක් නොදකිනා මොහොතක
නුඹේ නෙත් තුල දිලෙන සෙනෙහස
විඳින මා සිත තිබෙන සැනසුම
කිසි විටෙක නොදැනේවි වෙනෙකුට...

~නෙතුපුල්~